Dikon laba man?
Laba man ta un tradishon ku tiki tiki ta bayendo pèrdí. Antes na momentu ku un pèrsona fayesé, bisiña, amigu i konosé na kas di e defuntu pa kompaña e famianan ku a keda tras. Nan ta kompaña e famia tur dia, dunando un man den tur loke mester hasi promé ku entiero tuma lugá. For di ferf un muraya, kompaño pa bai kasa mortuario, te na traha te ku kòfi pa despues di entiero. Na final di e entiero tur pèrsona ta reuní na kas pa laba man.
E momentunan huntu ei no ta solamente un bishita pero mas bien un terapia pa e pèrsona(nan) ku a pèrdè un ser kerí. Un kompaño den e tempu ku mas bo mester di dje.
Na momentu ku bo tin kompaño, bo por ekspresá bo mes i alivia un tiki di e doló. Asina nos grandinan a logra aliviá nan mes i tambe risibí yudansa den tur area durante e dianan difisil aki. No laga nan sabiduria i praktiká bai pèrdí.
Laba man. No un konsepto, sino un terapia.